Tədbir və sərgi sektorunda fəaliyyət göstərən təşkilatlar üçün proseslərin çevik və tam avtomatlaşdırılmış şəkildə idarə olunması uğurun əsas şərtlərindəndir. ERAsoft MMC tərəfindən hazırlanmış ERA Event Management System (ERA EMS) məhz bu ehtiyaca cavab verən, çoxfunksiyalı və istifadəsi rahat platformadır.
ERA EMS, sərgi və tədbir təşkilatçılarına öz işlərini bir mərkəzdən – effektiv, təhlükəsiz və texnoloji cəhətdən inkişaf etmiş sistem üzərindən idarə etmək imkanı verir. İştirakçı qeydiyyatından başlayaraq stend sifarişi, ödəniş, giriş-çıxış və mail göndərişlərinə qədər bütün mərhələlər sistemlə tam şəkildə avtomatlaşdırılır. Nəticədə insan resursuna düşən yük azalır, zaman itkilərinin qarşısı alınır və təşkilati proseslərdə maksimum şəffaflıq təmin olunur.
ERA EMS, xüsusilə sərgi və konqres tipli genişmiqyaslı tədbirlərin planlaşdırılması və idarə olunmasında B2B seqmentində fəaliyyət göstərən təşkilatlar üçün ideal seçimdir.
Əsas Funksionallıqlar: ERA EMS ilə Tədbir İdarəetməsi
ERA EMS, sərgi və tədbir təşkilatçılarının ehtiyaclarına uyğun olaraq modulyar şəkildə qurulmuşdur. Platforma üzərindən tədbirin bütün mərhələləri tədbir idarəetməsi ilə – planlamadan icraya qədər – vahid sistemdə səmərəli şəkildə idarə olunur.
Tədbirin mərkəzləşdirilmiş idarə paneli
Sistem güclü admin panel ilə təchiz olunub. Buradan həm ümumi tədbir strukturu formalaşdırılır, həm də təşkilati tapşırıqlar izlənilir, aylıq hesabatlar hazırlanır. Texniki bilik tələb etməyən form generator və əsas səhifə konstruktoru vasitəsilə iştirakçı və şirkət məlumatlarının toplanması, eləcə də tədbir saytlarının tərtibatı asanlaşır.
İştirakçılar və təşkilatçılar üçün ayrılmış modullar
ERA EMS daxilində təşkilatçılar, nümayəndələr, menecerlər və məsul şəxslər üçün fərdi modullar mövcuddur. Hər rol üçün ayrıca səlahiyyətlər təyin olunur və bu da tədbir strukturunun effektiv bölüşdürülməsini təmin edir. Nümayəndələr şəxsi kabinetləri vasitəsilə xidmətlər sifariş edə, ödənişlərini tamamlayaraq tədbirə tam hazır vəziyyətə gələ bilirlər.
B2B sistem və stend idarəetməsi
ERA EMS-in ən güclü tərəflərindən biri B2B strukturun peşəkar şəkildə qurulmasıdır. İştirakçı şirkətlər sistem üzərindən stend sifarişi verir, 3D dizayn təqdim edir, texniki tələblərini bildirir və ödənişləri onlayn şəkildə tamamlayırlar. Hər bir iştirakçının müraciəti sistemlə avtomatik təhlil olunur və təkrarlanan qeydiyyatların qarşısı alınır.
Avtomatlaşdırılmış kommunikasiya və məlumat axını
Platformada yer alan mailing modulu vasitəsilə iştirakçılar, nümayəndələr, media qurumları və səfirliklərlə əlaqə qurmaq asanlaşır. Xatırlatmalar, dəvətnamələr və vacib bildirişlər sistem tərəfindən avtomatik olaraq göndərilir. Həmçinin fərqli auditoriyalar üçün əvvəlcədən hazırlanan mail şablonları vasitəsilə operativ ünsiyyət təmin olunur.
Real vaxt rejimində hesabatlar və təhlükəsizlik nəzarəti
ERA EMS tədbirin bütün mərhələləri üzrə real vaxt rejimində hesabatlar təqdim edir – ziyarətçi axını, ödəniş vəziyyəti, texniki sifarişlər və s. Giriş-çıxış sistemləri, bilet və vəsiqə nəzarəti, protokol qonaqları üçün xüsusi bölmələr tədbirin təhlükəsizliyini və şəffaflığını təmin edir. QR generator və sertifikat modulu ilə tədbir sonrasında da idarəetmə prosesi davam etdirilir.
ERA EMS platformasının əsas funksionallıqlarının siyahısı aşağıdakı kimidir:
- Multi-event və multi-organizer idarəetməsi
- Tədbir saytlarının dizayn və məzmununun idarəsi
- İştirakçı, ziyarətçi, delegat, sponsor, spiker qeydiyyat formaları
- Şəxsi kabinetlər: hər istifadəçi növü üçün fərdi panel
- Dinamik form generator və cavab analizi
- Konfrans və sessiya idarəetməsi (program, spikerlər, təqdimatlar)
- B2B görüş modulu və qarşılıqlı təsdiq sistemi
- Sertifikat göndərmə sistemi (auto/manual)
- Onsite qeydiyyat və badge çap modulu (online və offline)
- Statistik hesabatlar və post-event analizlər
- Mail kampaniya generatoru və statistik izləmə
- Sponsor və texniki xidmət sifarişi paneli
- Online/onsite qeydiyyat və e-ticket sistemi
- Content management modulu və tədbir kataloqu (online exhibitor list)
ERA EMS-in Texniki Üstünlükləri
ERA EMS yalnız funksionallığı ilə deyil, həm də texniki sabitliyi və çevik arxitekturası ilə tədbir təşkilatçıları üçün dəyərli bir həll yoludur. Bu platforma müasir web texnologiyaları əsasında hazırlanıb və yüksək yüklənmə qabiliyyətinə malik infrastruktura sahibdir. Bu da onu böyükmiqyaslı sərgilər, beynəlxalq tədbirlər və kompleks iştirakçı axını olan layihələr üçün ideal edir.
Sistem mikroservis arxitekturası və modulyar quruluş əsasında fəaliyyət göstərir. Bu yanaşma imkan verir ki, təşkilatçılar yalnız öz tədbirlərinə lazım olan modulları aktivləşdirsin və istifadə etsinlər. Beləliklə, hər tədbir üçün fərdi konfiqurasiya imkanı yaranır və istifadəçi təcrübəsi xeyli optimallaşır.
Texniki tərəfdən platforma yüksək təhlükəsizlik standartlarına cavab verir. Məlumatlar müasir şifrələmə alqoritmləri ilə qorunur, istifadəçi girişləri isə çoxsəviyyəli autentifikasiya ilə təmin edilir. İstifadəçi fəaliyyətləri real vaxt rejimində izlənilir və audit log-lar vasitəsilə sistemdə baş verən bütün dəyişikliklər qeyd olunur.
Sistem tam responsive dizaynla hazırlanıb və istənilən cihazdan – kompüter, planşet və ya mobil telefondan – problemsiz istifadə edilə bilir. Bu isə təşkilatçılara tədbir günlərində ofisdən uzaqda olsalar belə, prosesləri izləməyə və idarə etməyə imkan verir.
Digər mühüm üstünlük isə platformanın API dəstəyidir. ERA EMS üçüncü tərəf sistemlərlə (CRM, ödəmə platformaları, e-mail servisləri və s.) asanlıqla inteqrasiya oluna bilir. Beləliklə, mövcud IT infrastrukturunu dəyişmədən, ERA EMS-i mövcud sistemə uyğunlaşdırmaq mümkündür.
ERA EMS-in Yerli və Beynəlxalq Tətbiq Sahəsi
ERA EMS bu gün yalnız Azərbaycanın deyil, həm də regionun qabaqcıl sərgi və tədbir təşkilatçılarının seçimidir. Sistem artıq Azərbaycan, Türkiyə, BƏƏ və Özbəkistan daxil olmaqla dörd ölkədə aktiv şəkildə istifadə olunur və hər il onlarla tədbirin idarə olunmasında əsas platforma kimi çıxış edir.
Azərbaycanda sistemin tətbiqi “Caspian Event Organisers” (CEO) və ITECA Caspian şirkətlərinin fəaliyyəti ilə geniş miqyas almışdır. ADEX – Beynəlxalq Müdafiə Sərgisi, Caspian Agro, Interfood Azerbaijan, EduExpo, BakuBuild və digər nüfuzlu tədbirlər ERA EMS üzərindən idarə olunmuşdur. Bu tədbirlərin uğurlu həyata keçirilməsi, sistemin yüksək stabilik və funksionallıq səviyyəsini təsdiqləyir.
ERA EMS-in beynəlxalq miqyasda ilk böyük tətbiqlərindən biri, Türkiyədə fəaliyyət göstərən “ICA Events” şirkəti ilə əməkdaşlıq nəticəsində baş tutmuşdur. ICA Events — Yaxın Şərq, Mərkəzi Asiya və Qafqaz bazarında beynəlxalq ticarət sərgiləri və konfranslar təşkil edən lider şirkətlərdən biridir. Onların ERA EMS üzərindən təşkil etdiyi ilk tədbir “WorldFood Istanbul 2023” olmuş və bu tədbir zamanı sistemin tam potensialı istifadə edilmişdir: qeydiyyat, stend sifarişi, B2B görüşlər, mail bildirişləri və giriş-çıxış nəzarəti real vaxt rejimində həyata keçirilmişdir.
Özbəkistanda və BƏƏ-də (Dubay) isə ERA EMS yerli tədbir təşkilatçılarının ehtiyaclarına uyğunlaşdırılaraq uğurla tətbiq edilib. Regional fərqliliklər nəzərə alınmaqla hazırlanmış versiya, sistemin lokal çevikliyini və beynəlxalqlaşma potensialını bir daha sübut edir.
Özbəkistanda tanınmış tədbir təşkilatçısı olan Iteca Exhibitions şirkəti ERA EMS platformasından istifadə edir. Şirkətin əsas saytı olan iteca.uz və ona bağlı bütün sərgi saytları bu sistem üzərində uğurla fəaliyyət göstərir. Bu əməkdaşlıq ERA EMS-in böyük sərgi platformaları üçün effektiv və etibarlı həll olduğunu nümayiş etdirir.
Birləşmiş Ərəb Əmirliklərində isə Caspian Events şirkəti ERA EMS platforması ilə fəaliyyət göstərir. Caspianevents.com üzərindən idarə olunan tədbirlər, Dubay bazarının tələblərinə uyğunlaşdırılmış versiyada reallaşdırılır və bu da sistemin çevikliyini və lokal adaptasiya qabiliyyətini bir daha təsdiqləyir.
Bu gün ERA EMS-in tətbiq sahəsi genişlənməkdədir və yeni regionlara uyğunlaşdırılmış versiyalar üzərində işlər aparılır. Məqsədimiz sərgi idarəetmə proqramı ilə daha çox sərgi təşkilatçısının işini rəqəmsal formada asanlaşdırmaq və tədbirlərin idarəetməsində yeni standartlar yaratmaqdır.
Gələcək planlar
ERAsoft komandası olaraq ERA EMS sistemini daim inkişaf etdiririk. Müştəri rəy və ehtiyaclarına əsaslanaraq yeni modullar əlavə olunur, istifadəçi interfeysi daha da təkmilləşdirilir və inteqrasiya imkanları genişləndirilir. Hazırda sistemin süni intellekt əsaslı analitik modullarla zənginləşdirilməsi, daha dərin məlumat təhlili və davranış əsaslı təklif sistemlərinin tətbiqi üzərində işləyirik.
Eyni zamanda regional bazarlarda mövcudluğumuzu artırmaq prioritet istiqamətlərimizdəndir. Yaxın Şərq, Mərkəzi Asiya və Şərqi Avropa regionları ERA EMS üçün əsas hədəf bazarlar arasında yer alır. Bu istiqamətdə yeni partnyorlarla əməkdaşlıqlar qurulur, yerli xüsusiyyətlərə uyğun fərdiləşdirmə imkanları artırılır.
ERA EMS yalnız bir sərgi proqram təminatı deyil — tədbir sənayesində prosesləri daha ağıllı və idarəolunan edən strateji platformadır.
ERA EMS ilə tədbirlərinizi rəqəmsallaşdırın
ERA Event Management System ilə sərgi və tədbirlərinizi daha effektiv, sürətli və müasir şəkildə idarə edə bilərsiniz. İştirakçı qeydiyyatından tutmuş ödənişlərin idarəsinə, mail göndərişindən B2B inteqrasiyaya qədər hər şey bir platformadadır. Bu sistem sayəsində insan resursu yükünü azaldır, zamanınıza qənaət edir və tədbirlərinizdə tam nəzarəti əlinizdə saxlayırsınız.
ERA EMS ilə tədbir və sərgilərinizi daha effektiv, sürətli və müasir şəkildə idarə edin. Demo üçün bizimlə əlaqə saxlayın.